Отворивте нарачка, избравте нов статус, затворивте. Следниот пат — стариот статус.
Не е грешка во системот. Фали еден клик.
Како навистина се менува
Во OpenCart статусот не се менува со избор од паѓачкото мени. Тој се додава во историјата.
- Отворете ја нарачката (иконата со окото)
- Скролајте до дното — таму е делот Историја
- Изберете статус од паѓачкото мени
- Штиклирајте Извести го купувачот ако сакате да добие мејл
- Додајте коментар ако треба — тој го гледа купувачот
- Притиснете „Додади историја"
Дури тогаш е зачувано.
Зошто е така направено
Секоја промена на статус останува како запис — со датум, кој ја направил и што било пред тоа.
Тоа е корисно: подоцна се гледа целата патека на нарачката. Но е незгодно првиот пат, зашто изгледа како да е доволно само да се избере.
Ситницата со мејлот
Полето „Извести го купувачот" стандардно е отштиклирано. Значи ако сакате купувачот да знае дека нарачката е испратена — мора да го штиклирате секој пат.
А ако правите внатрешна забелешка што купувачот не треба да ја види — оставете го празно.
Кој статус ја намалува залихата
Ова е поврзано и вреди да се знае. Во Систем → Подесувања → Уреди → таб Опција има поле за тоа.
Стандардно е при завршување на нарачката — што значи дека до тогаш истиот производ може да се продаде повторно.
За продавница со ограничени залихи, поставете го на Обработка. Тогаш залихата се намалува кога ќе потврдите дека нарачката се подготвува.
📘 Целото упатство: OpenCart чекор по чекор — со точни патеки во менито, нумерирани чекори и чести грешки.
Ако планираш продавница — ја поставуваме целосно, со плаќање и достава подесени.
Онлајн продавници →